Бүгін түнде Щучинск қаласындағы тоғыз қабатты тұрғын үйдің кіреберісіндегі лифт шахтасында қоқыс өртенді, деп хабарлайды inbusiness.kz сайты.
Төтенше жағдайлар департаментінің құтқарушылары автосаты мен баспалдақ арқылы ғимараттан 75 адамды, оның ішінде 20 баланы эвакуациялады.
Өрт шағын аумақта жедел сөндірілді. Оқиға салдарынан ешкім зардап шеккен жоқ.
Қазір өрттің шығу себебі анықталып жатыр. ТЖМ өрт немесе басқа да төтенше жағдай туындаған кезде 112 нөміріне хабарласуды ескертеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
