Ақмола облысында Щучинскідегі жарылыстан кейін дәмхананың иесі ұсталды, деп хабарлайды inbusiness.kz сайты.
Жарылыс бойынша Қылмыстық кодекстің 292-бабы 3-бөлігі ("Абайсызда екі немесе одан да көп адамның өліміне әкеп соққан өрт қауіпсіздігі талаптарын бұзу") бойынша қылмыстық іс қозғалды.
"Арнайы прокурорлар қылмыстық істі тергеп жатыр. 2 наурызда ҚР Қылмыстық-процестік кодексінің 128-бабына сәйкес, "Центр плова" дәмханасының иесі ұсталды. Қажетті тергеу әрекеттері жүргізіліп жатыр", – деп хабарлады Ақмола облысының прокуратурасы.
Тергеу барысы Бас прокуратураның бақылауында.
Айта кету керек, бұған дейін Щучинскідегі жарылыстан қаза тапқандардың саны 8 адамға жеткені белгілі болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
