Шығыс Қазақстан облысының әкімі Нұрымбет Сақтағанов екі жұмысшының өмірін сақтап қалған полицейлерді марапаттады, деп хабарлайды inbusiness.kz сайты.
Құрмет грамоталары Ұлан аудандық полиция бөлімінің учаскелік полиция инспекторы, полиция майоры Нұрдәулет Тетепов пен криминалист, полиция капитаны Әсет Нағашбаевқа табысталды.
Оқиға 20 тамызда Қасым Қайсенов кентінде болған. Кәріз құдығында жұмыс істеп жатқан екі азаматтың есінен танып қалғанын байқаған полицейлер дереу көмекке кіріскен. Олардың жедел әрі батыл әрекетінің арқасында жұмысшылар құтқарылды.
Облыс әкімі тәртіп сақшыларының ерлігі мен кәсібилігін атап өтіп, адам өмірін құтқарудағы жоғары азаматтық жауапкершілігін ерекше бағалады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
