Шығыс Қазақстан облысында полиция тиісті рұқсатсыз қайта жабдықталған көліктерді басқарудың үш фактісін анықтады, деп хабарлайды inbusiness.kz сайты.
Патрульдеу кезінде Шәкәрім даңғылында 23 жастағы Lexus GS 300 жүргізушісі тоқтатылды. Көлікке рұқсатсыз Bi-LED жарықшамдары орнатылғаны анықталды.
Тағы екі жағдай Республика алаңында тіркелді. Полиция Lada және ВАЗ көліктерін тоқтатқан. 19 және 20 жастағы жүргізушілер көлік конструкциясына заңсыз өзгеріс енгізген. Оның ішінде бір көлікке төмендетілген пружиналар орнатылса, екіншісінің биіктігі төмендетілген.
Жүргізушілер ҚР Әкімшілік құқық бұзушылық туралы кодексінің 590-бабының 7-бөлігі бойынша әкімшілік жауапкершілікке тартылды. Бұл бап бойынша 15 АЕК мөлшерінде айыппұл қарастырылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
