Шығыс Қазақстан облысында дүкенге арналған жарнамалық ролик түсіру кезінде жол қозғалысы ережесін бұзған жүргізуші мен жолаушы жауапқа тартылды, деп хабарлайды inbusiness.kz сайты.
Әлеуметтік желіде тараған бейнероликте қозғалыстағы көліктен жолаушының басын шығарғаны көрінеді. Полиция қызметкерлері роликке қатысушыларды жедел анықтап, олардың әрекеттеріне құқықтық баға берді.
Көлік жүргізушісіне жолаушыларды тасымалдау қағидаларын бұзғаны үшін әкімшілік жауапкершілік қарастырылған. Ал қозғалыс кезінде көліктен басын шығарған жолаушыға да әкімшілік шара қолданылды.
Полиция мұндай әрекеттер жол қозғалысына қатысушылардың өмірі мен денсаулығына қауіп төндіретінін ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
