Шымкентте полиция қызметкерлері дронның көмегімен есірткіні жасырын орындарға қалдыру арқылы таратумен айналысқан ер адамды ұстады, деп хабарлайды inbusiness.kz сайты.
Қалалық полиция департаментінің мәліметінше, күдіктінің әрекеті ұшқышсыз ұшу аппараты арқылы анықталған. Одан кейін оның автокөлігі тексеріліп, ішінен мефедрон салынған 48 орама табылды.
Тәркіленген психотроптық заттың жалпы салмағы 150 грамнан асады.
Аталған дерек бойынша қылмыстық іс қозғалды. Күдікті қамауға алынды. Қазір тергеу амалдары жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
