Шымкент қаласының сәулет және қала құрылысы басқармасының басшысы Арман Әбдешов жұмыс кабинетінде ұсталды, деп жазады inbusiness.kz сайты.
ҰҚК дерегіне сүйенсек, оған Қылмыстық кодекстің 189-бабы, 4-бөлігі ("Сеніп тапсырылған бөтеннің мүлкін иемдену немесе талан-таражға салу") бойынша айып тағылған.
Шенді қазіргі уақытта уақытша ұстау изоляторына қамалған. Қылмыстық істі Сыбайлас жемқорлыққа қарсы қызмет тергеп жатыр.
Айта кетерлігі, бұл ұсталу оқиғасы әкім орынбасарына қастандық жасау ісі бойынша өтіп жатқан даулы сот процесімен тұспа-тұс келді. Ол істің басты айыпталушысы – әкімдікке қарасты "Тұрғын үй Шымкент" компаниясының директоры Ернар Жиенбай. Қазір аталған компанияда аудит жүргізіліп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
