Сирия астанасы Дамаск қаласындағы шіркеуге лаңкестік шабуыл жасалды, деп хабарлайды inbusiness.kz сайты DW агенттігіне сілтеме жасап.
БАҚ жазуынша, ер адам шіркеуге басып кіріп, адамдарға оқ жаудырып, кейін жарылғыш құрылғыны іске қосқан. Reuters агенттігі елдің денсаулық сақтау министрлігіндегі дереккөздерге сілтеме жасап, оқиға салдарынан 22 адам қаза тапқанын, ондаған адам жарақат алғанын жазды.
Сирияның Денсаулық сақтау министрлігінің дерегінше, жарылыстан 59 адам зардап шеккен.
Шабуыл Дамаскінің шығыс бөлігіндегі Әулие Илья грек православ шіркеуінде болған.
Сирияның Ішкі істер министрлігі шабуыл жасаған адамның "Ислам мемлекеті" лаңкестік ұйымының мүшесі болғанын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
