Басым бөлігі – Қазақстан Республикасында болу қағидаларын бұзғандар және СҚО аумағы арқылы транзитпен өту кезінде жылдамдықты асырып, автоматты бейнебақылау жүйелеріне тіркелген жүргізушілер, деп жазады inbusiness.kz сайты.
Солтүстік Қазақстан облысының полицейлері 210 құқық бұзушы шетел азаматын анықтап, оларға хабарлама берді. Олардың көпшілігі айыппұлды бірден аударым арқылы төледі.
Полицейлер еске салады: заңнамаға сәйкес алғашқы 7 тәулікте айыппұл сомасының тек 50 пайызын төлеуге мүмкіндік бар.
Бұдан кейін толық соманы ерікті түрде төлеуге тағы 30 күн беріледі. Тек осы мерзім өткен соң материалдар жеке сот орындаушыларына жолданады.
Тәртіп сақшылары өңір тұрғындары мен қонақтарын заң талаптарын қатаң сақтауға шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
