Апатқа ұшыраған Ресейдің қорғаныс министрлігіне тиесілі Ту-154 ұшағының негізгі бөлшектері судан шығарылды, деп хабарлайды күштік құрылымдардағы дереккөзге сілтеме жасаған РИА Новости.
"Негізгі бөлшектер арнайы алаңда тұр. Мамандар енді құлаған әуе кемесінің қаңқасын қалауға кіріседі", – деп агенттікке мәлімдеген ол іздеу-құтқару операциясының негізгі кезеңі аяқталғанын айтты.
Іздеу тобы әуе апатында құрбан болған 19 адамның мәйітін жағаға шығарды.
"Олардың 17-сі және дене бөлшектері анықтап, генетикалық сараптама жасау үшін арнайы рейспен Мәскеуге жеткізілді", – деді дереккөз.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
