Батып кеткен "Титаниктен" бір шақырымдай жерде субмарин қалдықтары табылды, ондағы су асты ортасы іздестіру жұмыстарын қиындатып отыр, деп жазады inbusiness.kz.
Бұл туралы журналистердің алдында сөйлеген сөзінде АҚШ жағалау күзетінің өкілдері хабарлады. Тоғыз түрлі кеме жұмылдырылған операция жалғасуда.
"Су асты орта өте қатал келеді. Табылған сүңгуірдің қалдықтарынан "Титан" жарылды деп болжауға болады. Біз бұл аймақта іздестіру жұмыстарын жалғастырамыз, бірақ мен қазір олардың денелерін табу қаншалықты мүмкін екенін нақты айта алмаймын", - деді АҚШ жағалау күзетінің контр-адмиралы.
Америкалық БАҚ-тың хабарлауынша, АҚШ Әскери-теңіз күштері "Құпия акустикалық құрылғыны" пайдаланып, онымен байланыс жоғалғаннан кейін бірнеше сағаттан соң "Титанның" жарылғанын тіркеді.
