СҚО сотының баспасөз қызметі хабарлағандай, аралас жекпе-жек бойынша кәсіби жаттықтырушы Палестинаны қолдаған жазбалары үшін айыпталған, деп жазады inbusiness.kz сайты.
Оған "араздықты қоздыру" және "полиция қызметкеріне күш қолдану" баптары бойынша айып тағылған.
Іс материалдарына сүйенсек, Қоңқаев әлеуметтік желіде палестиналық-израильдік қақтығыстарға қатысты фото, видео материалдар жариялап отырған. Ол жеке парақшасына "Freedom for Palestine" ("Палестинаға бостандық") деген жазба мен Палестина туын да орналастырған. Айыптау тарапы бұл әрекетті "діни араздықты қоздыруға бағытталған" деп бағалаған.
Сотталушының туыстары сараптама қорытындыларын негізсіз деп санап, оны ақтауды талап етті.
21 сәуірде Есіл аудандық соты Айбас Қоңқаевты кінәлі деп танып, 6 жылға бас бостандығынан айыру туралы үкім шығарған.
