Батуми теңіз портында қазақстандық жүктердің импорт, экспорт және транзит бағыттары бойынша негізгі номенклатураларын өңдеу жұмыстары қарқынды жүргізіліп жатыр, деп жазады inbusiness.kz сайты.
2026 жылдың басынан бері БТП терминалы арқылы Қазақстаннан 31 мың тонна жүк тасымалданды.
Батуми теңіз порты арқылы қазақстандық жүктерді ауыстырып тиеудің тұрақты динамикасы Транскаспий халықаралық көлік бағытының сұранысқа ие екенін және Қазақстан, Грузия мен халықаралық нарықтар арасындағы логистикалық ынтымақтастықтың нығайып келе жатқанын көрсетеді.
"Батуми теңіз порты" ЖШҚ – 1878 жылы негізі қаланған Қара теңіздегі ең көне порттардың бірі. Порт инфрақұрылымына 11 айлақ, мұнай және әмбебап терминалдар, BICT контейнерлік терминалы, сондай-ақ теміржол мен автокөлік кірме жолдарының дамыған желісі кіреді. Порттың жалпы өткізу қабілеті - жылына 21 млн тонна. Флоты 12 кемеден тұрады.
