Бұл туралы Inbusiness.kz SVT телеарнасына сілтеме жасап хабарлады.
Жарылғыш құрылғы жергілікті уақыт бойынша сағат 03.28-де қаланың мейрамханаларының біріне кіре берісте іске қосылды. Оқиға салдарынан ешкім зардап шеккен жоқ, бірақ үйге айтарлықтай зиян келтірілді.
"Ғимараттың кіреберісі толығымен қирады, қасбеті де қатты зақымданды", — деді Швеция полициясының өкілі Ула Эстерлинг.
Полиция оқиғаны алдын-ала тергеуді бастады. Оқиға орнына саперлер мен сот сарапшыларының тобы келді. Ғимараттың іргелес аумағы қоршалған. Құқық қорғау органдары жақында болған жарылыстың Стокгольмде жалғасып келе жатқан апаттар толқынымен байланысы бар-жоғын әлі анықтаған жоқ.
SVT желтоқсанның аяғынан қаңтардың басына дейін Швеция астанасында тұрғын үйлердің жанында бірнеше жарылыс болғанын еске салады.
