Қазақстан алдағы жылыту маусымында Қырғызстанға 1,5 млрд киловатт электр энергиясын жеткізеді, деп жазады inbusiness.kz economist.kg порталына сілтеме жасап.
Ербол Сарыпбековтің сөзінше, 25 тамыз күні Астанада Өзбекстан, Қырғызстан және Қазақстанның энергетикалық ведомстволарының басшылары арасында үшжақты кездесу өткен.
"Астанадағы тиісті кездесудің хаттамасына сәйкес, тараптар Киров, Орто-Токой және Тоқтоғұл су қоймаларындағы суды сақтау аясында сумен айырбас үшін Қырғызстанға электр энергиясын жеткізуге уағдаласты", - деді Қазақстанның Қырғыз Республикасындағы елшілігінің кеңесшісі.
Ол электр энергиясын жеткізу су қоймаларында қосымша су жиналуы мақсатында жасалып жатқанын жеткізді.
"Қазақстан өзіне үлкен міндеттемелер алды, осы жылдың қыркүйегі мен сәуір айы аралығында Қырғызстанға 1,5 млрд киловатт электр энергиясын жеткізеді. Бұл – өте үлкен көлем. Салыстырар болсақ, былтыр тек 500 млн киловатт туралы сөз болған еді", - деді ҚР Елшілігінің кеңесшісі.
Айта кету керек, осыған дейін Қырғыз елінде электр энергиясы тапшы екенін жазған болатынбыз.
