Полицияның мәліметінше, мониторинг барысында қоғамдық әдеп нормаларын өрескел бұзатын бейнеролик анықталған. Тексеру нәтижесінде оның авторы Алматы облысында тұратын 22 жастағы жұмыссыз Нұрсат Пшан екені белгілі болды.
Іс сотта қаралып, құқық бұзушыға 5 тәулік мерзімге әкімшілік қамау жазасы тағайындалды.
Полиция әлеуметтік желілер де көпшілікке ашық ақпараттық кеңістік екенін еске салды.
Осыған байланысты интернетте жарияланған кез келген материал мен пайдаланушылардың әрекеті Қазақстан Республикасының қолданыстағы заңнамасы аясында бағаланып, заң талаптарына сәйкес жауапкершілікке әкелуі мүмкін екенін атап өтті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
