АҚШ президенті Дональд Трамп 27 қазанға белгіленген парламенттік сайлау алдында Израильдің премьер-министрі Биньямин Нетаньяхуға қолдау білдірді, деп хабарлайды inbusiness.kz сайты BILD агенттігіне сілтеме жасап.
Ақ үй басшысы Truth Social әлеуметтік желісінде Нетаньяхудың "мықты премьер-министр әрі жауынгер" екенін айтты. Сондай-ақ Израильдің үкімет басшысын Иранға қарсы тұрудағы АҚШ-тың ең маңызды әріптесі деп атады.
Соңғы сауалнама нәтижелеріне сәйкес, Израильдің қазіргі билеуші коалициясына парламенттегі көпшілік орыннан айырылу қаупі төніп тұр.
Трамптың сөзінше, билікке басқа премьер-министр келген жағдайда, Вашингтонның Тегеранға қарсы әскери науқанды жалғыз өзі жалғастыруына тура келуі мүмкін. Нетаньяху АҚШ президентіне қолдауы үшін алғыс білдірді.
BILD дереккөздерінің хабарлауынша, Трамптың тиісті мәлімдемесі америкалық дипломаттар үшін де тосын жағдай болды. АҚШ президентінің қолдауы Нетаньяху үшін өте маңызды болуы мүмкін. Себебі Израиль демократия институтының зерттеуіне сәйкес, сайлаушылардың жартысына жуығы партия таңдау кезінде Вашингтонмен қарым-қатынасты ескереді.
