"Барлық әуе компаниялары, ұшқыштар, есірткі саудагерлері мен адам саудасымен айналысатындар, назар аударыңыздар: Венесуэла мен оған жақын аудандардағы әуе кеңістігі толық жабылады", – деп жазды Трам Truth Social әлеуметтік желісінде.
Трамп бұған дейін қол қойған жарлықта Латын Америкасындағы есірткі картельдеріне қарсы күресте әскери күштерді тиімді әрі белсенді пайдалану жөнінде нұсқау берген.
Тамыз айының соңында АҚШ Венесуэла жағалауындағы ашық теңізге, оның ішінде әскери кемелерден тұратын әскери-теңіз күштерін жіберді, ал АҚШ Қорғаныс министрі Пит Хегсет Венесуэлада операцияларға дайын екенін мәлімдеді.
АҚШ-тың Венесуэла жағалауындағы кейбір кемелерді есірткі контрабандасы айыбымен қудалауын Венесуэла үкіметі де, халықаралық қоғамдастық та сынады. Олар бұл әрекеттерді "халықаралық құқыққа қайшы" деп атады.
