Сол себепті, "Нөмір бірінші борт" ұшағы Давосқа ұшқаннан соң небәрі бір сағаттан аз уақытта кері бұрып, Мэрилендке оралған, деп хабарлайды inbusiness.kz сайты.
Эндрюс бірлескен базасынан ұшып шыққаннан кейін экипаж "болмашы электр ақауы" анықтағанын және сақтық шарасы ретінде ұшақты кері бұрып, базаға оралуды шешкенін мәлім еткен.
Air Force One ұшағы базаға шығыс уақытымен сағат 23:07-де қонған.
Тілшілердің сөзінше, ұшақтағы баспасөзге арналған кабинадағы шамдар шамалы уақытқа сөнген, десе де оқиғаға ешқандай түсініктеме берілмеді.
Содан соң президент әдетте ішкі сапарлар үшін пайдаланатын АҚШ әскери-әуе күштерінің жаңа C-32 ұшағына (модификацияланған Boeing 757) отырған.
Дональд Трамп Давосқа Дүниежүзілік экономикалық форумға қатысу үшін бара жатқан еді. Ол форумда сәрсенбі күні шығыс уақытымен таңғы сағат 8:30 шамасында сөз сөйлеуі керек. Сол себепті, оның сөз сөйлеуі кейінге қалдырылуы да ықтимал.
