Түркістан облысында жол қозғалысы ережелерін өрескел бұзып, қауіпті маневр жасаған алты жүргізуші анықталды, деп хабарлайды inbusiness.kz сайты.
Олардың әрекеті әлеуметтік желілердегі бейнежазбалар арқылы белгілі болған.
Полиция мәліметінше, құқық бұзушылар 18 бен 32 жас аралығындағы азаматтар. Тексеру кезінде кейбір көліктерге заңсыз құрылғылар орнатылғаны, ал бірнеше жүргізушінің мемлекеттік тіркеу нөмірінсіз жүргені анықталды.
Осы деректер бойынша 14 әкімшілік хаттама толтырылды. Заңсыз орнатылған стробоскоптар тәркіленіп, автокөліктер айыптұраққа қойылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
