Қазақстан Республикасы Оқу-ағарту министрлігінің "Дарын" республикалық ғылыми-практикалық орталығы және "USTEM Robotics" – Қазақстан және Орта Азия Робототехника дамыту" қоғамдық қорының STEM білім беруді дамытудың жол картасы аясында "Central Asia FIRST Championship 2023" робототехникадан Халықаралық жарысының (FIRST жарысы) республикалық кезеңі 2023 жылдың 24 - 26 ақпан аралығында Астана қаласындағы Әл-Фараби атындағы оқушылар сарайында өткізілді, деп жазады inbusiness.kz Түркістан облысы әкімінің баспасөз қызметіне сілтеме жасап.
FIRST жарысына 80-нен аса команда 1500-ден аса оқушы қатысып, бақ сынады. Түркістан облысы адами әлеуетті дамыту басқармасының Төлеби ауданы мамандандырылған мектеп-интернатынан "Future Talents" командасы "ROBOT DESIGN" жарысынан бас жүлдені, "TeenLights" командасы "INNOVATION PROJECT" жарысынан I орынды, М.Тасова атыңдағы үш тілде оқытатын мамандандырылған №12 мектеп-интернатыныі "Tasova" командасы "RISING ALL-STAR" сайысы бойынша I орынды жеңіп алды. Команда жетекшілері: С.Далмырзаев, А.Кенжеева, М.Омаров және И.Парпиев.
