Маск Twitter қызметкерлерін 75%-ға дейін қысқартуы мүмкін екенін айтқан болатын. Оның айтуынша, ол Twitter-ді 44 миллиард долларға сатып алу арқылы көп шығынға ұшыраған.
Bloomberg дереккөздерінің хабарлауынша, Twitter-дің жаңа иесі қысқартылатын қызметкерлерге 4 қараша күні өз шешімі туралы хабарлайды. Жоспар бойынша оларға екі айлық жұмыстан шығу жәрдемақысы ұсынылады.
"Twitter-ді дұрыс жолға салу үшін әлемдегі жұмыс күшімізді қысқартудың күрделі процесін бастан өткереміз. Бұл Twitter-ге құнды үлес қосқан кейбір адамдарға әсер ететінін мойындаймыз, өкінішке орай, мұндай қадам компанияны алға жылжыту үшін қажет", – делінген кейбір қызметкерлерге жіберілген электрондық поштада.
Оның алдында Twitter әлеуметтік желісінің жаңа иесі миллиардер Илон Маск Twitter-ге танымал жұлдыздарға ақылы хабарлама жазу мүмкіндігін енгізгісі келетінін айтқан. Пайдаланушылар ақылы түрде атақты адамдарға жеке хабарламалар жіберу мүмкіндігіне ие болады – бұл ретте төлем мөлшері қандай сома болатыны және Twitter-дің өзі осы операциялардан қанша алатыны әлі белгісіз. Сонымен қатар Маск дүйсенбіден бастап компаниядағы қашықтан жұмыс істеуге рұқсат беретін ережелерді алып тастап, қызметкерлерді кеңсеге келуге міндеттемекші.
