Ғылым және жоғары білім министрлігі Жоғары және жоғары оқу орнынан кейінгі білім комитетінің төрағасы Гүлжан Жарасова ҰБТ мазмұнын өзгертуге қатысты пікір білдірді, деп хабарлайды inbusiness.kz сайты.
"Биыл Ұлттық бірыңғай тестілеу өзгермейді. Келесі жылдан бастап тапсырмалардың мазмұны халықаралық стандартталған тесттерге сәйкестендіріліп әзірленеді. Бұл тесттер талапкерлердің білім деңгейі мен дағдыларын анықтауға мүмкіндік береді. Тиісті өзгеріс талапкерлерге қосымша жүктеме түсірмейді. Мектеп түлектеріне өздерінің білімді қаншалықты меңгергенін әрі оны алдағы оқу барысында қалай қолдана алатынын көрсетуге септігін тигізеді", – деді Гүлжан Жарасова Үкімет отырысынан кейінгі баспасөз брифингінде.
Айта кету керек, бұған дейін елімізде ҰБТ форматы өзгеретінін жазғанбыз.
