Украиналық дрондар 2500 шақырымнан астам қашықтыққа ұшып, Омбыдағы Ресейдің ең ірі мұнай өңдеу зауытына соққы берді, деп жазады inbusiness.kz сайты BILD-ке сілтеме жасап.
Украина Бас штабының мәліметінше, жылына шамамен 22 миллион тонна мұнай өңдейтін нысан ішінара зақымдалған. Куәгерлер жариялаған бейнежазбаларда зауыттағы өрттің түтіні көрінеді.
Киев үшін бұл шабуыл украиналық дрондардың ұшу қашықтығын және Ресейдің әуе қорғанысының осал тұстарын көрсету мақсатында маңызды. Стратегиялық нысан дрондардан ішінара қорғалған.
Осы күнге дейін Омбы мұнай өңдеу зауыты украиналық дрондардан соққы алмаған екі нысанның бірі саналған еді. Дронмен жасалған соққыдан соң Ресейдің ішкі нарықта жанармай көлеміне деген сұраныс артуы мүмкін.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
