Елордада фельдшер Ұлдана Мырзуанның қазасына қатысты іс бойынша кезекті сот отырысы өтті, деп хабарлайды inbusiness.kz сайты.
Хатшы сот отырысына айыпталушының адвокаты Дәурен Есләмбекұлының келмегенін хабарлады. Оның сөзінше, қорғаушы басқа іс бойынша өтетін процесте жүргенін жеткізген.
Судья Меруерт Абаева адвокатқа қатысты жеке қаулы шығарды. Ол қолданыстағы заңға сәйкес, адвокат кәсіби әдеп ережелерін сақтауға міндетті екенін еске салды. Айтуынша, Дәурен Есләмбекұлы дәлелсіз себеппен сот отырысына қатыспауы салдарынан процестің өтуіне кедергі келтірді.
"Осылайша, ол процесс барысын қасақана созып, сотқа және басқа да қатысушыларға құрметсіздік танытты, сондай-ақ кәсіби әдеп нормаларын бұзды", – деді істі жүргізген судья.
