Алматыда Ұлттық банк өкілдері "Валюталық реттеу және валюталық бақылау" туралы заңның өзгерістері мен жаңа нормалары туралы түсіндірді, деп хабарлайды 24.kz.
Заң жобасын қабылдау капиталдың транс-шекаралық қозғалысының статистикалық мониторингін жақсартуға мүмкіндік береді.
Валюталық реттеу – режимдерінің негізгі рәсімдерін оңтайландыруға жол ашады. Сонымен қатар кәсіпкерлік қызмет пен азаматтардың операцияларында, макроэкономикалық деңгейде іске асырылатын қолма-қол ақшасыз және қолма-қол конверсиялық процестердің тәуекелділігін азайтуды көздейді. Қысқасы, валюталық реттеу және валюталық бақылау саласындағы туындайтын құқықтық қатынастарды реттейтін болады.
"Біз елден капиталды шығару ықтималдылығы жоғары бірнеше келісімшартты байқадық. Ол қандай келісім-шарттар? Мысалы резидентке қарыз беріледі. Бірақ ол қаражат Қазақстанға ешқашан келмейді. Қазақстанда ол ақшаны ешкім көрген емес. Соған қарамастан үлкен көлемде қарызды өтеу басталады. Осындай келісімшарттар күмәнді", - деді ҚР ҰБ төлем балансы және валюталық реттеу департаментінің директоры Айгүл Боранбаева.
