Қаражат аталған санатқа жататын азаматтардың есепшоттарына автоматты түрде аударылады, деп хабарлайды inbusiness.kz сайты Ұлытау облыстық әкімдігіне сілтеме жасап.
1 қазан – Қарттар күніне орай Ұлытау облысында жасына байланысты ең төменгі зейнетақы алатын зейнеткерлерге 20 000 теңге мөлшерінде біржолғы әлеуметтік төлем беріледі.
Төлемдерді аудару 20 қыркүйек пен 10 қазаны аралығында жүргізіледі.
– Аталған әлеуметтік төлем "Әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларына" сәйкес жергілікті атқарушы органдардың шешімдері негізінде жүзеге асырылады, – делінген облыстық әкімдік таратқан хабарламада.
Бүгінгі таңда ең төменгі зейнетақы алатын 6199 зейнеткерге біржолғы әлеуметтік төлем аударылуда.
