Үндістанның Парадип портында бортында 23 теңізшісі бар MT UNITY кемесі ұсталды, деп жазады inbusiness.kz сайты.
Экипаж құрамында Қазақстан Республикасының азаматы бар.
Сыртқы істер министрлігінің ресми өкілі Жанболат Үсенов мәліметінше, кемені ұстауға оның иесінің жергілікті жанармай жеткізуші алдындағы қаржылық берешегі себеп болған.
"Қазақстандық дипломаттар азаматымыздың елге қайтуын қамтамасыз ету үшін қажетті шараларды қабылдап жатыр", – деді Жанболат Үсенов.
Оның айтуынша, жағдайды реттеуге жәрдем көрсету үшін Үндістанның сыртқы істер министрлігіне тиісті дипломатиялық нота жолданған.
Сонымен қатар СІМ аталған Қазақстан азаматы мен оның отбасы мүшелері Қазақстанның дипломатиялық өкілдіктеріне көмек сұрап жүгінбегенін хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
