Үстірт мемлекеттік табиғи қорығынан Қызыл кітапқа енген, сирек кездесетін өсімдік табылды, деп хабарлайды inbusiness.kz сайты.
Орман шаруашылығы және жануарлар дүниесі комитетінен хабарлағандай, 2025 жылғы 18-21 сауір аралығында Үстірт мемлекеттік табиғи қорығы ғылым, ақпарат және мониторинг бөлімінің аға ғылыми қызметкері А.Пулатов ғылыми-зерттеу жұмыстары барысында Қызыл кітапқа енген "Майда қатыран" өсімдігін анықтаған.
"Майда қатыран – сирек кездесетін, таралуы шектеулі өсімдік түрі. Тұран провинциясының эндемигі, реликт түр. Бұл өсімдік тұқым арқылы көбейеді. Сәуір-мамыр айларында гүлдеп, мамыр-маусымда жеміс береді", – деп жазылған комитет хабарламасында.
Қорық мамандары өсімдіктің таралу аймағын зерттеуді әрі қарай жалғастырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
