31 шілдеде Түркістан облысы прокуратурасының бастамасымен және үйлестіруімен Алматы қаласында облыстық Полиция департаментінің Киберполиция басқармасы арнайы операция жүргізіп, ресми байланыс арналарын айналып өтіп, халықаралық қоңырауларды бағыттауға арналған сим-бокс – арнайы жабдықтың заңсыз пайдаланылуын анықтап, жойды, деп жазады inbusiness.kz сайты.
Аталған құрылғы қылмыскерлерге бір уақытта жүздеген SIM-картаны пайдаланып, халықаралық шығыс қоңырауларын өзгертіп жіберуге мүмкіндік берген.
Бұл ұялы байланыс операторларына айтарлықтай экономикалық шығын келтіреді және қылмыстық әрекеттердің ізін жасыру үшін пайдаланылуы мүмкін.
Аталған факт бойынша Қылмыстық кодексінің 213-бабы 2-бөлігіне сәйкес сотқа дейінгі тергеп-тексеру басталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
