Вьетнамда "Кадзики" атты жойқын тайфунның жақындауына байланысты жағалаудағы аймақтардан 586 мыңнан астам адам эвакуацияланбақ, деп хабарлайды inbusiness.kz сайты.
Жергілікті БАҚ-тың жазуынша, дауыл бүгін Нгеан провинциялары аралығында құрлыққа жақындауы мүмкін. Синоптиктердің болжамынша, желдің жылдамдығы сағатына 166-180 шақырымға жетуі ықтимал. Ел билігі су тасқыны мен көшкіндер қаупі туралы ескертіп отыр.
Вьетнамдағы екі әуежай жабылып, Vietnam Airlines пен Vietjet компанияларының ондаған рейсі тоқтатылды. Сонымен қатар кейбір провинцияларда мектептегі сабақтар уақытша өтпей жатыр.
Соңғы жағдайларға байланысты Қытайдың Хайнань аралында қауіптің қызыл деңгейі жарияланды. Санья қаласында туристік нысандар жабылып, қоғамдық көлік қозғалысы тоқтады. Кей жерлерде жауын-шашын мөлшері 320 мм-ге дейін жетуі мүмкін деген болжам айтылуда.
