Күні кеше тағайындалған Көлік министрі Нұрлан Сауранбаев ант берді, деп хабарлайды inbusiness.kz сайты.
"Қазақстан Республикасының халқы мен Президенті алдында, өз Отаным – Қазақстан Республикасының экономикалық және рухани даму ісіне өзімнің барлық күш-жігерім мен білімімді жұмсауға, мемлекеттің Конституциясы мен заңдарын қатаң сақтауға, өзімнің барлық іс-әрекетімде заңдылық пен әділеттік, азаматтық, ұлтаралық және конфессияаралық татулық принциптерін ұстануға, Қазақстан халқына адал қызмет етуге, өз елімнің мемлекеттілігі және дүниежүзілік қоғамдастықтағы беделін нығайта беруге салтанатты түрде ант етемін", – деді Нұрлан Сауранбаев Үкімет отырысында.
Айта кету керек, күні кеше Нұрлан Сауранбаев Көлік министрі болып тағайындалғанын жазғанбыз. Марат Қарабаев Көлік министрі лауазымынан кетті.
