Бұл туралы Жамбыл облысы әкімдігінің баспасөз қызметі хабарлады, деп жазады inbusiness.kz сайты.
– 2026 жылдың 21 қаңтары күні сағат 22:40 шамасында Меркі аудандық көпбейінді орталық ауруханасына "Тұран" демалыс орнынан Қызылорда облысынан ауданға күрес түрінен оқу-жаттығу жиынына келген 12-17 жас аралығындағы 22 кәмелетке толмаған жасөспірім жеткізілді. Алдын ала диагноз – этиологиясы анықталмаған гастроэнтерит, – деп жазылған хабарламада.
Артынша Жамбыл облыстық санитарлық-эпидемиологиялық бақылау департаменті оқиға орнына жедел қызметкерлер жіберілгенін мәлімдеді.
Қазіргі уақытта оқиғаның мән-жайы және балалар денсаулығының нашарлау себептерін анықтау үшін бірқатар қажетті шара қабылдануда.
Ауруханаға жатқызылған балалардың жағдайы немесе олардың болжамы туралы ресми ақпарат жоқ.
