Комитеттің хабарлауынша, соңғы уақытта БАҚ-та бөтен адамдардың ойын кейпінде балалармен танысып, сеніміне кіріп, оларды жабық чаттарға шақырып, заңға қайшы әрекеттерге итермелейтін жағдайлар жиілеген, деп жазады inbusiness.kz сайты.
Осыған байланысты ата-аналарға балаларын онлайн-қатерден қорғаудың негізгі жолдарын білу маңызды екені ескертілді.
Балалардың интернеттегі қауіпсіздігі үшін:
-
жеке мәліметтерді (аты-жөні, мекенжай, телефон нөмірі, отбасы туралы деректер) жарияламау;
-
Instagram, Telegram, TikTok, ВКонтакте сияқты әлеуметтік желілердегі күмәнді топтар мен анонимді чаттардан аулақ болу;
-
ата-ана тексермеген онлайн-ойындарға кірмеу.
Ата-ана баланың интернеттегі белсенділігін қалай бақылай алады?
-
Арнайы бақылау құралдарын пайдаланыңыз (Family Link – Android үшін, Screen Time – iOS үшін);
-
баланың достары мен жазылымдарын қадағалаңыз;
-
аты-жөні жоқ, түсініксіз белгілермен немесе күмәнді суреттермен жасалған парақшаларға назар аударыңыз.
Қауіпті белгілерге көңіл бөліңіз:
-
бала ұйқысы бұзылып, түнде жиі оянады;
-
денесінде түсініксіз жарақаттар немесе көгерулер байқалады;
-
тұйықталып, ашушаң болып, сөйлесуден қашады;
-
депрессивті немесе агрессивті мазмұндағы бейнелерді жиі көреді;
-
қорқынышты суреттер салып, оны түсіндіргісі келмейді.
Балаға қалай көмектесуге болады?
-
оның эмоционалдық жағдайын бақылаңыз;
-
күнделікті өміріне қызығушылық танытып, жиі сөйлесіңіз;
-
бала ойымен бөлісуге әрдайым дайын екенін сезінуі тиіс.
Көмек қажет болған жағдайда жүгінуге болатын орындар:
-
құқық қорғау органдары (102);
-
мектептегі педагог-психолог;
-
мектеп жанындағы ата-аналарды қолдау орталығы;
-
балаларды психологиялық қолдау орталығы;
-
өңірлік бала құқықтары жөніндегі уәкіл;
-
тәулік бойы тегін қызмет көрсететін "111" байланыс орталығы.
Айта кетейік, жақында әйелдер құқығы мен балалардың қауіпсіздігін қамтамасыз ететін заң қабылданып, бір жыл ішінде бірқатар өзгерістер енгізілді.
