Мемлекеттік қызмет істері агенттігінің төрағасы Анар Жайылғанова Стратегиялық жоспарлау және реформалар агенттігі мен Бәсекелестікті қорғау агенттігінің қалай жасақталатынын түсіндірді.
"Төтенше жағдайлар жөніндегі министрлік туралы айтсақ, бұған дейін ІІМ құрамында комитет болған. Енді осы комитет ІІМ құрамынан шығарылып, дербес министрлікке айналды. Яғни бұл жағдайда ешқандай қосымша бюджет қаражаты, қосымша штат бөлінбейді. Стратегиялық жоспарлау және реформалар агенттігі мен Бәсекелестікті қорғау агенттігінде де осыған ұқсас жағдай. Оларға қазір бар мемлекеттік органдардың функциялары мен штаттарын беру жоспарланып отыр. Яғни, жаңа штаттар құрмай-ақ, алдыңғы мемлекеттік органның бюджеті мен штат саны сол күйінде қалады", - деді агенттік басшысы
Есжан Ботақара
