Жаңаөзен қалалық сотында азамат Е.-ге қатысты ұсақ бұзақылық дерегі бойынша әкімшілік іс қаралды.
Сот материалдарына сәйкес, 2025 жылғы 28 желтоқсанда Жаңаөзен қаласының Бостандық шағынауданында ер адам Mercedes маркалы автокөлікті басқарып келе жатып, жаяу жүрген әйелдің үстіне балшық шашқан.
Осы әрекеті арқылы ол қоғамдық орында айналасындағыларға құрметсіздік танытып, қоғамдық тәртіп пен азаматтардың тыныштығын бұзған.
Сот отырысында құқық бұзушы кінәсін толық мойындап, кешірім сұрағанын және айыппұл түріндегі жаза тағайындауды өтінген.
Сот шешімімен азамат ұсақ бұзақылық жасағаны үшін кінәлі деп танылып, оған 86 500 теңге көлемінде айыппұл салынды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
