2016 жылдың 3 тоқсанында халықтың 2,5%-ының табысы күнкөріс деңгейінен төмен болды, деп хабарлайды статистика комитетіне сілтеме жасаған 7kun.kz.
Ведомство ақпаратына сәйкес, кедейлік деңгейіндегі отбасылардың саны 76,9 мың (452,2 мың адам), ал өткен жылы бұл 74,9 мың болған (446,1 мың адам).
Табысы күнкөріс деңгейінен төмен халықтың қаладағы үлесі — 1,2%, ал ауылды жерлерде 4,4%-ды құрайды. Көрсеткіш бойынша Оңтүстік Қазақстан (5,0%), Атырау және Жамбыл областары (3,3%) алдыңғы орында. Ал Астанада мұндай халықтың үлесі — 0,9%, Алматыда 1,1%.
Сондай-ақ, кедейлік деңгейі бойынша Оңтүстік Қазақстанда 143,7 мың, Атырау облысында 20,2 мың, Жамбыл облысында 36,6 мың, Астанада 8,2 мың, Алматыда 19 мың адам тіркелген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
