Сенатор Нұрлан Бекназаров Астанада өткен Конституциялық реформалар жөніндегі комиссияның кезекті отырысында бірқатар ұсыныс айтты, деп хабарлайды inbusiness.kz сайты.
Оның айтуынша, маңызды ұсыныстардың бірі – сайлауға қатысу және сайлану құқықтарына қатысты норма нақтыланды.
"Атап айтсам, сот әрекетке қабілетсіз деп таныған, сондай-ақ сот үкімімен бас бостандығынан айыру орындарындағы ҚР азаматтарының сайлауға, республикалық референдумға қатысуға құқығы жоқ. Сонымен қатар сот әрекетке қабілетсіз деп таныған, заңда белгіленген тәртіппен жойылмаған немесе алынбаған сотталғандығы бар, сондай-ақ сыбайлас жемқорлық қылмыс немесе құқықбұзушылық жасауда кінәсі сотта белгіленген тәртіппен таныған азаматтардың сайлануға құқығы болмайды", – деді Сенат депутаты.
Бұл – жаңашыл нормадағы ерекше назар аударатын түзету, деді Нұрлан Бекназаров.
