Қазақстанның жеңіл атлетикадан әйелдер құрамасы Тайбае Универсиадасындағы "алтынынан" айырылды, деп хабарлады КазТаг.
Құрамында Виктория Зябкина, Ольга Сафронова, Римма Кашафутдинова және Светлана Голендова бар жеңіл атлеттер командасы 100 метрлік 4 эстафетада бірінші болып келді. Алайда жолдың шетіне шығып кеткені үшін мәреден кейін жарыстан шығарылды.
Нәтижесінде алтын медаль Швейцарияға, күміс - Польшаға, қола – Жапонияға бұйырды.
Еске салсақ, дүниежүзілік Универсиада Тайбаеде 19-30 тамыз аралығында өтіп жатыр. Жарыс спорттың 22 түрі бойынша өтуде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
