Ұйымның жазуынша, геомагниттік жағдайды бақылайтын құралдар G4.66 деңгейіндегі өте күшті дауылды тіркеп отыр, деп хабарлайды inbusiness.kz сайты.
Аталған көрсеткіш ең жоғары G5 деңгейінен небәрі үштен бір балға ғана аз. Ғалымдар бұл құбылысты соңғы күндердегі күшті күн жарқылдарынан кейін тәулік ішінде Жерге жеткен алғашқы плазма ағымымен байланыстырады. Мұны соңғы жылдардағы ең жоғары көрсеткіштердің бірі деуге болады.
Бастапқыда 3 күн плазмасының ең әлсіз шығарындысының тек біріншісі ғана Жерге жетеді деп болжанған еді. Соққының негізгі әсері кейін күннің ортасында күтілді. Десе де, қазіргі уақытта байқалған қарқындылық күтілгеннен гөрі тым күрделі.
Өкініштісі, Жерге жақын маңдағы күн желін бақылап жүрген жасанды серіктердің соңғы сағаттардағы деректерінде қателіктер көп. Дегенмен, бұған қарамастан, көрсеткіштер плазманың тығыздығы мен температурасында өте жоғары мәндер, сондай-ақ магнит өрісінің рекордтық күшейгенін көрсетіп отыр.
Демек, күн желінің жылдамдығы қалыпты нормада сақталған, бұл шығарындының негізгі әсері әлі алда екенін байқатса керек-ті. Тәулік ішінде Жерге тағы екі плазма ағыны жетеді деп болжанған, олардың бірі ең қуаттысы болуы ықтимал.
