2025 жылға арналған зерттеуде 143 елдің, 9 446 қаланың ауа сапасы деректері назарға алынған, деп хабарлайды inbusiness.kz сайты.
Қазақстан бұл тізімде 55-орынға жайғасқан. Әсіресе, Алматы қаласының түтіні мен лас ауасы сөз болған.
Әлемдегі қалалардың тек 14%-ы қауіпсіз ауа сапасы стандарттарына сай екені анықталып отыр. Бұл өткен жылмен салыстырғанда 3%-ға ғана аз.
Қазіргі уақытта тек үш еуропалық мемлекет – Андорра, Эстония және Исландия Дүниежүзілік денсаулық сақтау ұйымының (ДДҰ) PM2.5 бөлшектерінің жылдық шекті деңгейіне (бір текше метр ауаға 5 микрограммға дейінгі көрсеткіш) жетеді деп бағаланды.
Жалпы, 143 елдің 130-ы, яғни 91%-ы қауіпсіздік стандарттарына сәйкес емес. Қауіпсіз шектерде ауа сапасын ұстап тұрған 13 ел мен аумақтың қатарына Аустралия, Барбадос, Бермуд, Француз Полинезиясы, Гренада, Жаңа Каледония, Панама, Пуэрто-Рико, Реюньон және АҚШ-тың Виргин аралдары кіреді.
Ең ластанған елдердің алғашқы бестігінде Пәкістан (67,3 микрограмм/м³ PM2.5), Бангладеш (66,1), Тәжікстан (57,3), Чад (53,6) және Конго Демократиялық Республикасы (50,2) бар.
Жер-жаһандағы ең ластанған 25 қала Үндістан, Пәкістан және Қытай аумағында орналасқаны белгілі болды.
