Күнде М класты екі күшті жарқыл тіркелді, оның ішінде сәуір айындағы ең қуаттысы – М4.3 деңгейіндегі жарқыл болды. Ғалымдар алдағы тәуліктерде одан да күшті плазмалық лақтырулар болуы мүмкін екенін ескертіп отыр, деп хабарлайды inbusiness.kz сайты.
Институттың Күн астрономиясы зертханасының мәліметіне сүйенсек, бұл сәуір айының басынан бергі ең қуатты күн жарқылы саналады. Оқиға М4.3 деңгейіне жетіп, осы айдағы ең жоғары көрсеткішке айналған.
Зертхананың хабарлауынша, алдағы тәуліктерде жұлдыз белсенділігі одан әрі күшеюі мүмкін. Ғалымдар одан да жоғары кластағы, тіпті ең жоғарғы санаттағы жарқылдардың болуы ықтимал екенін айтады.
Бұған дейін мамандар екі аптадан кейін алғаш рет М1.65 деңгейіндегі жарқылды тіркеген. Ол бірден екі белсенді аймақта болған және алдын ала бағалау бойынша Жерге айтарлықтай әсер етпейді.
Алайда бұл аймақтар біртіндеп Күн дискісінің көрінетін орталығына қарай жылжып келеді. Бұл болашақтағы плазмалық лақтырулардың Жерге әсер ету ықтималдығын арттырады.
Күн жарқылдары рентген сәулелену деңгейіне қарай A, B, C, M және X санаттарына бөлінеді.
Соңғысы – X класы. Ол ең қуатты болып саналады және ол Жердегі байланыс жүйелеріне, навигацияға және энергетикалық инфрақұрылымға әсер ететін күшті геомагниттік дауылдарды тудыруы мүмкін.
Мамандар бақылауды жалғастырып жатыр және алдағы күндері бұл үдерістердің одан әрі күшеюін жоққа шығармайды.
