14 қаңтарға қараған түні Жезқазған қаласы Сәтпаев көшесі бойында орналасқан театр ғимараты өртенді, деп жазады inbusiness.kz сайты.
Өрт сөндіру бөлімшелері келгенге дейін ғимараттан 12 адам өздігінен көшеге шықты.
Құтқарушылардың айтуынша, от театрдың жертөлесінен шығып, айналасына таралған.
"Алғашқы өрт сөндіру жасақтары келгеннен кейін жертөледен қалың түтін шығып жатқаны анықталды. Тез арада газ-түтіннен қорғау қызметінің буындары өртті барлауға және сөндіруге кірісті", – деп таратты ТЖМ.
Өрт сөндірушілердің үйлесімді, кәсіби және жедел әрекеттерінің арқасында сахналық материалдың жануы қысқа мерзімде сөндірілді.
Төтенше оқиғадан ешкім зардап шеккен жоқ. Өрттің шығу себебі анықталып жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
