"Жолаушылар тасымалы" АҚ осы айдың соңына дейін Ресейден 23 вагон сатып алмақ. Бұл туралы "Жолаушылар тасымалы" АҚ бас директоры М. Кортюм айтты.
"Біз "Жолаушылар тасымалы" АҚ-ны барынша "жасыл" (экологияға негізделген) компания еткіміз келеді. Заманауи вагондар көмір жақпауға тиіс, олар экологиялы, дикелік тежегішті болуға тиіс. Біз осымен де қазір белсенді жұмыс жүргізудеміз", – деді М. Кортюм баспасөз мәслихатында.
М. Кортюм жолаушыларға қызмет көрсету сапасын арттыру мен алға қойған нәтижелерге қол жеткізу үшін өндірісте ІТ-технологияларды белсенді енгізу, билеттерді сату жүйесін жақсарту, вагондарды жөндеу мен сатып алуды жандандыру, сондай-ақ корпоративішілік мәдениетті күшейту мәселелерін қозғады.
"Бізде "жылдам жеңіс" және айтарлықтай ұзақ мерзімді стратегия бар. Жақын уақытта екі міндетті – келесі жазғы маусымға вагондар жетіспеушілігі проблемасын жою және пойыздарда төсек керек-жарағын жаңарту шешімі күтіп тұр. Ұзақмерзімді кезенге ақпараттық жүйе жұмысын жақсарту, вагондар паркін жаңарту, жөндеу бойынша міндеттер қойылып отыр",– деді.
Айта кетсек, "Жолаушылар тасымалы" АҚ құрылымына 4 филиал - "Оңтүстік", "Батыс", "Экспресс" және "Солтүстік" және 2 еншілес кіреді. Компания бүгінде 120 бағытта жолаушылар тасымалын жүзеге асырады.
