"Патрульдік полиция қызметкерлері Қазақстан Республикасының жол қозғалысы ережелерін қасақана бұзушыларды анықтау бойынша жұмыстарды күшейе түсті. Осылайша қозғалыстың қарсы жолағына шығу – 15 жүргізуші, жалған мемлекеттік тіркеу нөмірлік белгілері бар көлікті басқару – 21 жүргізуші, мемлекеттік тіркеу нөмірлік белгісі жоқ көлік құралын басқау – 287 жүргізуші, әйнектері қараңғыланған көлік құралдарын басқару – 642 жүргізуші, жүргізуші куәлігінен айырыла тұра, көлік құралын басқару – 14 құқық бұзушы, резонаторларды қолданған – 110 жүргізуші анықталды. Өткен демалыс күндерінің өзінде жылдамдықты асырып көлік жүргізген 23 жүргізуші әкімшілік жауапкершілікке тартылды", – деді Алматы қалалық ПД жергілікті полиция қызметі басқармасының бастығы Манап Саттаров.
