2025-2026 жылдардағы жылыту маусымының басынан бастап ҚТЖ желісі бойынша республика ішінде 54,3 млн тоннадан астам көмір тасымалданды. Бұл өткен жылыту маусымының көрсеткіштерінен 2,6 млн тоннаға артық, деп хабарлады inbusiness.kz сайты "Қазақстан темір жолы" ҰК" АҚ баспасөз қызметіне сілтеме жасап.
Оның ішінде жылу электр орталықтарына (ЖЭО) 49 млн тонна көмір тасымалданды, бұл өткен маусыммен салыстырғанда 3,2 млн тоннаға артық. Коммуналдық-тұрмыстық секторға теміржол көлігімен 5,3 млн тонна көмір жеткізілді.
Мемлекеттік органдардың ақпараты бойынша, жылыту маусымындағы өсіп келе жатқан қажеттілік жоспары 5,4 млн тонна қатты отынды құрады, бұл ретте 7,2 млн тонна, яғни жоспарлы қажеттіліктен 34% артық дайындалды.
Компанияда хабарлағандай, көмір операторлары қоймаларында коммуналдық-тұрмыстық қажеттіліктерге арналған шамамен 435 мың тонна көмір жинақталған.
