Ақтауда бойжеткенге күш көрсетіп, "зорлаймын" деп қорқытқан ер адам ұсталды, деп хабарлайды inbusiness.kz сайты КТК жаңалықтарына сілтеме жасап.
Әлеуметтік желіде тараған бейнероликте бойжеткенді ер адамның күштеп ұстап тұрғанын байқауға болады. Жанжал кезінде ер адам тіпті зорлауға дейін баратынын айтып қорқытқан.
Бойжеткенге сол маңнан өтіп бара жатқандар көмектескен. Одан әрі жол бойымен қашқан бойжеткенді ер адам тағы қуып барған. Көлік жүргізушілерінің бірі қызды автокөлігіне отырғызып, қауіпсіз жерге алып кетті.
Ақтаулық тәртіп сақшылары күдіктіні ұстап, "кім екенін анықтадық" деп отыр.
"Полиция қызметкерлері оқиғаға қатысы бар барлық азаматты анықтап, ұстады. Олар Ақтау қаласы полиция басқармасына жеткізіліп, уақытша ұстау изоляторына қамалды. Аталған дерек бойынша қылмыстық іс қозғалды. Оқиғаның мән-жайы анықталып жатыр", – дейді Маңғыстау облысы ПД ресми өкілі Әйгерім Ибатуллаева.
