АҚШ президенті Дональд Трамптың әкімшілігі осы аптада Ормуз бұғазы арқылы өтетін кемелерді алып жүру үшін халықаралық коалиция құрылғанын жариялауды жоспарлап отыр. Бұл туралы америкалық шенеуніктерге сілтеме жасаған The Wall Street Journal басылымы жазды, деп хабарлайды inbusiness.kz сайты.
"Трамп әкімшілігі осы аптада бірнеше елдің осы теңіз дәлізі арқылы өтетін кемелерді бірге алып жүру үшін коалиция құруға келіскенін жариялауды жоспарлап отыр", – деп жазылған материалда.
Дереккөздердің айтуынша, Ақ үйде коалицияның операцияны қашан бастайтыны әлі талқыланып жатыр. Бұл аймақтағы соғыс қимылдары аяқталғанға дейін әлде одан кейін болатыны белгісіз.
Немістің Bild басылымының жазуынша, Фридрих Мерц басқаратын Германия канцлерінің кеңсесі коалицияға қатысу туралы сұраққа жауап беруден бас тартқан. Франция Сыртқы істер министрлігі елдің жалғыз әуе тасымалдаушы кемесі Шығыс Жерорта теңізінде қалып отырғанын мәлімдеді.
NHK телеарнасы үкіметтегі дереккөзге сілтеме жасап хабарлағандай, Жапония кемелерін Ормуз бұғазына жіберуді жоспарлап отырған жоқ. Норвегия да аймаққа әскери флотын жіберуден ресми түрде бас тартты.
Сенбі күні АҚШ президенті Дональд Трамп Қытай мен басқа елдерді Ормуз бұғазына әскери кемелер жіберуге шақырды.
Иранның Сыртқы істер министрі Аббас Аракчи Трамптың мәлімдемесіне пікір білдіре отырып, АҚШ-тың "қауіпсіздік қолшатыры" қауіптен қорғамайтынын, керісінше түрлі қиындықтарды өзіне тартатынын айтты.
