АҚШ-тың Лас-Вегас қаласында "Enhanced Games" деп аталатын жаңа спорттық жоба басталды. Жарыстың ерекшелігі – қатысушыларға спортта тыйым салынған кейбір препараттарды қолдануға ресми түрде рұқсат берілген, деп хабарлайды inbusiness.kz сайты.
21–24 мамыр аралығында өтетін жарыс арнайы 2500 орындық стадионда ұйымдастырылып отыр. Бағдарламаға жеңіл және ауыр атлетика, жүзу және күшке негізделген спорт түрлері енгізілген. Жүлде қоры шамамен 500 мың долларды құрайды, ал рекордтар үшін 1 миллион долларға дейін бонус қарастырылған.
Ұйымдастырушылар жобаны "спорттағы жаңа дәуір" деп сипаттағанымен, Халықаралық Олимпиада комитеті мұндай бастаманы қауіпті әрі спорттық қағидаттарға қайшы деп бағалады.
Жобаны австралиялық кәсіпкер Арон Д’Соуза бастаған. Алғашқы жарысқа шамамен 50 спортшы қатысады деп күтілуде.
