Бүгін Испания жолдарында "Circuito Getхo" атты бір күндік велодода өтті. Жарыста астаналық Алексей Луценко жеңімпаз атанды. Луценко Бильбаодан Гетчоға дейінгі 193,3 шақырымдық қашықтықты 4 сағат 19 минут 10 секундта еңсерді. Екінші орын "Lidl-Trek" шабандозы француз Тони Галлопинге бұйырды. Үшінші болып мәреге "Астананың" тағы бір өкілі италиялық Симоне Веласко келді.
Қалған астаналық шабандоздар жарысты келесі нәтижелермен аяқтады: Евгений Федоров – 20-шы, Нұрберген Нұрлыхасым – 55-ші. Ал Фабио Феллине, Леонардо Бассо және Хавьер Ромо мәреге жете алмады.
"Circuito Getcho"
Bilbao — Getxo. 193.3 шақырым
1. Алексей Луценко (Қазақстан, "Астана") — 4:19:10
2. Тони Галлопен (Франция, "Lidl-Trek") — +0:24
3. Симоне Веласко (Италия, "Астана") — +0:33
20. Евгений Федоров (Қазақстан, "Астана") — +8:04
55. Нұрберген Нұрлыхасым (Қазақстан, "Астана") — +15:42.
